بقالنا كتير مكتبناش حاجة!
دايما اما بييجي ف بالي مكان عايزه أروحه معاك بكتبه ف النوت عشان منساش و بقالي مدة نفسي اروح العجمي و أبو قير ومعرفش ليه! من شوية شوفت صورة أ علاء خالد ف مطعم ف ابو قير ووراه البحر و قولت نبقه نروح المطعم ده سوا، معرفش اشمعنى ابو قير و العجمي! امبارح في الورشة كنا بنتناقش ف حاجة و ا علاء كان بيتكلم انهم مهما لفوا في المدينة دايما بيلجأوا في النهاية لل "بالما" - كافيه كان ف اسكندرية الستينات- وانه البالما ماية و خضرا و سما وان ده الدنيا الربانية اللي ربنا خلقها سما وخضرا و بحر ف الواحد مهما يلف مش بيرتاح غير ف الفضا، يمكن عشان كده أبو قير و العجمي عشان صورتهم اللي ف خيالي فضا و بحر و سما و خضرا، عشان دول آخر الدنيا و انت معايا!
السبت، 3 يناير 2015
آخر الدنيا
الاشتراك في:
تعليقات الرسالة (Atom)
:)))
ردحذفيلا!